Қазақстан мен Тәжікстан: стратегиялық әріптестік және ынтымақтастық перспективалары
DOI:
https://doi.org/10.26577/IRILJ202511022Аннотация
Қазақстан мен Тәжікстан арасындағы қарым-қатынастар Орталық Азиядағы аймақтық қауіпсіздік пен тұрақты дамудың маңызды құрамдас бөлігі болып табылады. 1993 жылы дипломатиялық қатынастар орнағаннан бері екі ел арасындағы стратегиялық әріптестік сенімді және жан-жақты сипатқа ие болды. Бұл зерттеуде Қазақстан мен Тәжікстан арасындағы ынтымақтастықтың тарихи қалыптасуы, негізгі жетістіктері, қазіргі сын-қатерлері және болашақ даму перспективалары жан-жақты қарастырылады. Ерекше назар келісімшарттық негізге, одақтастық өзара әрекеттестікке, көлік логистикасы, энергетикалық және су қауіпсіздігі, сауда теңгерімсіздігі мен гуманитарлық байланыстарға аударылады. Зерттеу барысында қолданылған теориялық-әдістемелік тәсілдер – аймақшылдық, неореализм, институционализм және неоклассикалық реализм – екіжақты қатынастардың кең ауқымды халықаралық және аймақтық контексте дамуын түсінуге мүмкіндік береді. Қазіргі жаһандық қауіп-қатерлер жағдайында Қазақстан мен Тәжікстан арасындағы ынтымақтастықты тереңдету Орталық Азиядағы қауіпсіздік пен тұрақты дамудың негізгі факторы ретінде қарастырылады.
Түйін сөздер: Қазақстан, Тәжікстан, Орталық Азия, дипломатиялық қатынастар, сыртқы саясат, екіжақты ынтымақтастық, сауда-экономикалық серіктестік, аймақтық ынтымақтастық және қауіпсіздік.
