Өнер мәдени дипломатияның құралы және креативті индустрияның бір бөлігі ретінде: Оңтүстік Корея мысалында

Аннотация

Қазіргі уақытта жаһандық саяси-экономикалық жағдайдың жылдам өзгеруі мәдениет, коммуникация және жаһандық трансформациялар арасындағы өзара байланысты зерттеудің өзектілігін арттырып отыр. Соңғы жылдары мәдени дипломатия мен жұмсақ күш мәселелері, яғни мемлекеттердің халықаралық аренадағы ықпал ету құралдары ретінде қарастырылуы ерекше назарға алынуда. Осы мақалада мәдени дипломатияны заманауи теориялық-әдістемелік негіздер арқылы талдаудың тәсілдері қарастырылады. Атап айтқанда, мәдени сәйкестік, мәдениеттер диалогы және жаһандану сын-қатерлері сияқты ұғымдарға мән беріледі.

Зерттеудің мақсаты - халықаралық қатынастардың трансформациялану жағдайында мәдени дипломатияның ерекшеліктерін анықтау және оның мемлекет бейнесін халықаралық қоғамдастықтың санасында қалыптастыруға әсерін бағалау. Мақалада мәдени коммуникация механизмдері, мәдени мекемелердің рөлі, сондай-ақ ұлттық мәдени күн тәртібін ілгерілетуде ресми құрылымдар мен азаматтық қоғам арасындағы өзара әрекет талданады.

Зерттеудің әдіснамалық негізі - салыстырмалы талдау, дискурстық талдау және кейс-стади сияқты пәнаралық тәсілдер. Жұмыста мәдени дипломатия саласындағы әртүрлі елдердің тәжірибесі, соның ішінде Британ кеңесі, Гёте институты, Француз институты сияқты ұйымдардың қызметі қарастырылған. Отандық және шетелдік дереккөздер пайдаланылған.

Зерттеудің практикалық маңызы - авторлар ұсынған қорытындылар мен ұсыныстар ұлттық мәдени саясат стратегияларын әзірлеуде, сондай-ақ білім беру және талдау салаларында пайдалануға болады. Сонымен қатар, бұл зерттеу мәдениетті орнықты даму мен халықтар арасындағы диалогтың маңызды ресурсы ретінде тереңірек түсінуге үлес қосады.

Осылайша, мақала мәдени дипломатия туралы ғылыми дискурстың дамуына үлес қосып, оны жаһандық өзгерістер дәуіріндегі тиімді халықаралық коммуникация құралы ретінде ашады.

Түйін сөздер: Оңтүстік Корея, мұражайтану, мәдени дипломатия, жасампаз индустриялар, жұмсақ күш.