«Жұмсақ күштің» француз моделі және оның Орталық Азиядағы бейімделуі: мәдени дипломатия, туризм және ұлттық брендинг

Аннотация

Бұл мақалада Францияның «жұмсақ күш» тұжырымдамасын қолдану тәжірибесі және оның Орталық Азия елдерінде бейімделу мүмкіндіктері қарастырылады. Зерттеу барысында француз «жұмсақ күшінің» негізгі құралдары, мәдени дипломатия, туризмді алға жылжыту, білім беру бағдарламалары, студенттер алмасу жобалары, ұлттық брендті дамыту, креативті индустрияларды қолдау және халықаралық мәдени шараларды ұйымдастыру, жан-жақты талданады. Бұл бағыттар Францияның халықаралық аренадағы беделін нығайтуға айтарлықтай әсер етеді. Эмпириялық база ретінде Қазақстан, Қырғызстан, Өзбекстан және Тәжікстан елдеріндегі студенттер, магистранттар, жас мамандар мен халықаралық қатынастар саласындағы сарапшылар арасында жүргізілген социологиялық сауалнама деректері пайдаланылды. Зерттеуде мазмұндық талдау, салыстырмалы талдау және статистикалық әдістер қолданылды. Нәтижелерге сәйкес, Франция Орталық Азияда көбінесе мәдени және білім беру салаларындағы сенімді серіктес ретінде қабылданады, ал оның саяси және экономикалық ықпалы салыстырмалы түрде шектеулі. Авторлар Францияның аймақтағы ықпалын арттыру үшін «жұмсақ күш» құралдарын әртараптандыру қажеттілігін атап өтеді. Білім беру бағдарламаларын кеңейту, туризмді дамыту, креативті индустрияларды қолдау және мәдени ынтымақтастықты нығайту арқылы Франция мен Орталық Азия елдері арасындағы байланыстарды жаңа деңгейге көтеруге мүмкіндік бар.

Түйін сөздер: жұмсақ күш, мәдени дипломатия, Франция, Орталық Азия, ұлттық брендинг, туризм.