Біріккен Араб Әмірліктерінің энергетикалық саясаты
DOI:
https://doi.org/10.26577/IRILJ202510915Аннотация
Мақалада Біріккен Араб Әмірліктеріндегі (БАӘ) энергетика саласының даму тарихы талданады. Энергетикалық тұрақтылыққа ұмтылу және экономика секторын әртараптандыру қажеттілігі атап өтіледі. Жаңартылатын энергия көздерін (ЖЭК) өндірудің озық технологияларын бағалау жүргізілуде.
Зерттеуде әлемдегі жетекші мұнай және газ өндіруші елдердің бірінде жаңартылатын энергияға көшудің негіздемесі түсіндіріледі. Мақалада БАӘ-нің көмірсутекке негізделген экономикадан тұрақты энергетикаға көшу барысында туындауы мүмкін негізгі тәуекелдер жан-жақты талданады..
Таза энергияға көшу - экономиканы әртараптандыру, энергетикалық қауіпсіздікті қамтамасыз ету және қоршаған ортаны қорғау сияқты өзара байланысты бірқатар факторлар мен уәждерге негізделеді. Дегенмен, терең талдау арқылы жиналған деректер БАӘ сияқты көмірсутектерді экспорттаушы елдердегі өтпелі кезеңнің әлеуметтік, саяси және геосаяси әсерінің маңыздылығы академиялық деңгейде де, саяси деңгейде де әлсірегенін көрсетеді. Осылайша, мақалада таза энергияға көшудің жоғарғы бағасы, қайта қарастыру қажеттілігі айтылады.
Зерттеу жаңартылатын энергия көздерін дамыту әлеуетін және тұрақты энергетиканың негізгі бастамаларын талқылай отырып, БАӘ энергетикалық секторына шолу жасаудан басталады. Дәстүрлі қазба отындарына тәуелді елде тұрақты энергияға көшу қажеттілігі одан әрі талданады. Сондай-ақ өзгерістерді бастайтын негізгі саяси реформалар түсіндіріледі. Қорытынды бөлімде Әмірліктердің тұрақты экономикалық өсуге, энергетикалық қауіпсіздікке және геосаяси көшбасшылыққа қол жеткізуіне кедергі болатын негізгі кедергілер қарастырылады.
Түйін сөздер: энергетикалық қауіпсіздік, тұрақты даму, жасыл экономика, жаңартылатын энергия көздері.
