ХАЛЫҚАРАЛЫҚ САЯСАТТАНУДЫҢ ҒЫЛЫМИ ПӘНІ, АТҚАРАТЫН ҚЫЗМЕТІ, ҚҰРЫЛЫМЫ, ӘДІСТЕРІ ЖӘНЕ НЕГІЗГІ ҰҒЫМДАРЫ ХАҚЫНДА

Abstract

Мақалада халықаралық саясаттанудың ғылыми пәні,атқаратын қызметі,құрылымы,әдістері және негізгі ұғымдары жөнінде мол мағлұмат беріледі.Қоғамтану ғылымының түрлі-түрлі білім бөлінуіне байланысты саясаттану да өзіндік бір жүйелі, пәндік сипаты, категориялық құрылымдары мен өз заңдылықтары бар ғылым болып қалыптасқан. Оның өз алдына дербес ғылым болып қалыптасуына қоғам өміріне,қоғамдық қарым-қатынастарға саясаттың өктемдік жасап қоғамдық болмыстың түр-бейнесіне тигізетін ықпалы күшті, сол арқылы қоғамның саяси өміріне тигізетін әсері себеп болды.
Қоғамның формасын, түрін, түр бейнесін зерттеумен ғылымның философия, тарих,
социология, заң ғылымы салалары да айналысады. Алайда олардың әрқайсысы саясатқа өз
тұрғысынан, өз мүддесі шеңберінде сай қарайды да, оны осы мүдде тұрғысынан өзіне тән
әдіспен зерттейді. Олардың әрқайсысы саясат өзінің ішкі, өзіне тән мәнімен емес, тек сол
ғылым саласына қажетті ғылым ретінде сол саланың мақсат-мүддесі лайық кеңінен
қамтылған мәселенің бір бөлігі болып қана қамтылған. Ал саясаттану болса өзі алған
проблеманың мәселенің ерекше қасиеттерін бір-бірімен ұштастырып, біртұтас етіп, оларды белгілі бір жағдайда ғана бөліп алып қарайды.