Ұжымдық қауіпсіздік туралы шарт ұйымы (ҰҚШҚ) және көші- қон үдерістерін реттеу мәселелері

Аңдатпа

Көші- қон мәселесі Орталық Азия аймағындағы тәуелсіз мемлекеттердің 20 жылдан аса уақыт бойы өзара қарым қатынастарындағы түйіткілді сала болып табылады. Посткеңестік кеңістіктегі көші- қон үдерісінің көлемі айрықша дағдарыс кезеңдерінде шамалы бәсеңдегенімен, жағымды динамикада өсуде.                                                                                                                         Орталық Азия аймағындағы мемлекеттер үшін еңбек көші- қоны негізгі трендке айналуына байланысты, олар көші- қон алмасудың белсенді және тұрақты қатысушылары болып табылады. Осы орайда, көші- қон үрдістерін тек ұлттық қана емес, сонымен қатар аймақтық деңгейде, аймақтық және халықаралық ұйымдардың қатысуымен координациялау қажет болып отыр.                           Ұжымдық қауіпсіздік туралы шарт ұйымы (ҰҚШҚ), көші- қон мәселесі басым болып табылатын аймақта жұмыс істейтін ұйымдардың бірі. Бұл Орталық Азия аймағындағы заңсыз көші- қон мәселелерімен қатар қауіпсіздік контексті және еңбек миграциясы үшін де, аймақтың тұрақты да орнықты дамуы үшін де тең дәрежеде маңызды.