Қазақстан мен Қырғызстан ынтымақтастығының мәселелері мен болашағы

Аңдатпа

Мақалада Қазақстан Республикасы мен Қырғызстан Республикасының арасындағы ынтымақтастықтың даму барысы қарастырылған. Соның ішінде екі ел арасындағы барлық салаларда қол қойылған екіжақты келісімшарттардың ынтымақтастықты дамытудағы маңыздылығы сараланған. Сонымен қатар Қазақстан мен Қырғызстан арасындағы екіжақты байланыстардың дамуы барысында дипломатиялық қатынастарды анықтайтын мәселелер де қарастырылған. Қазақстан Республикасы мен Қырғызстан Республикасы арасындағы екіжақты қарым-қатынастар стратегиялық, тең құқықты әріптестік бағытында даму үстінде. Бұған екі елдің көптеген өзекті халықаралық және аймақтық мәселелер бойынша ұстанымдарының ұқсас және бірдей екендігі дәлел бола алады. Болашақта Қырғызстан мен Қазақстан әрі қарай да өздерінің достастық қарым-қатынастары мен стратегиялық серіктестігінің тереңдетілуін көздеп отырған мемлекеттер екені сөзсіз