Орталық Азия мен Қытай: Шанхай Ынтымақтастық Ұйымы шеңберіндегі саяси-экономикалық негізі

Аңдатпа

Бұл мақалада Шанхай Ынтымақтастық Ұйымы аясындағы Қытай мен Орталық Азия мемлекеттерінің қарым-қатынасының саяси-экономиқалық негіздері қарастырылған. Орталық азия өңірі ҚХР сыртқы экономикалық стратегиясында ауқымды рөл атқарады. ҚХР Еуропалық нарыққа мүмкіндігін игеру мен іргелетуде ОАӨ нарығын толыққанды игеру стратегиялық мақсат болып табылады. Орталық Азия елдері мен Қытай арасындағы қарым-қатынас өңірдегі жаһандық орталықтар арасындағы үстемдік үшін геосаяси басекелестік жағдайында жаңа мағынаға ие болып отыр. Жаңа жүз жылдықта Қытай өңірлік көшбасшы мемлекет ретінде өзінің геосаяси ортасымен стратегиялық серіктестік орнатуды көздейді. Орталық Азия өңірі мемлекеттерімен көпжақты қатынас (ШЫҰ) шеңберінде және екіжақты форматта ынтымақтастықты дамыту қытай саясатының стратегиясына айналып, ұзақ мерзімді перспективаларға бағытталған. Ортылық Азия мемлекеттері әр деңгейде Қытайдың саяси, экономикалық және әлеуметтік-мәдени әсерін нақты сезіп отыр.