Еуропадағы заманауи көші-қон дағдарысы және оның салдары

Аңдатпа

Еуропа елдері босқындар ағынына төтеп беру үшін белсенді іс-шаралар жүргізуде. ЕО-тың басқармасы бірқатар қиыншылықтар мен тәуекелдерді басынан өткеруде. Бұл мақалада ЕО-тағы босқындардың жағдайынталдап, дағдарыс салдарын сипаттай отырып, осы мәселенің шешімдері мен тәсілдерін қарастырған. Мақалада миграцияның әлеуметтік-экономикалық, саяси үдерістердегі Еуропалық Одақтың мысалы негізіндегі маңызы қарастырылады. Зерттеу пәніне жаңа геосаяси жағдайдағы, соның ішінде Сирия дағдарысы жағдайындағы Еуропалық Одақтың миграциялық саясаты жатады. Еуропалық одақ қазіргі таңда қашқындардың басым бөлігін өзіне тарту орталығына айналып отыр. Заңсыз миграция легін реттеу үшін ЕО қысқа және ортамерзімді міндеттерді шешуге бағытталған шаралармен қоса, дамушы елдерден келетін миграцияның бастапқы себептерін жоюға бағытталған даму саясатын қолданып отыр.