Медицина қызметкерлерінің арасында орын алған абайсыздықтағы қылмыстылықтың алдын алудың негізгі бағыттары

Аңдатпа

Медицина қызметкерлерінің қызметіндегі абайсызда жасалынған қылмыстылығымен күресудің басымдықты бағыттарының бірі болып емдеу мекемелерінің қызметіне ұтымды әсер ету арқылы, осы жағымсыз әлеуметтік құбылыспен қүресу танылады. Қазіргі таңда қолданыстағы қылмыстық заңнама науқастардың денсаулығына ауыр зиян келтірген немесе адамды қазаға ұшыратуға әкелген жағдайларда ғана медицина қызметкерлерін қылмыстық жауаптылыққа тартуға мүмкіндік береді. Медицина қызметкерлерінің біліксіздікпен адамның өмірі мен денсаулығына келтірілуі мүмкін қауіпті әрекеті қылмыстық құқықтың назарынан тыс қалуда. Сонымен қатар, медицина қызметкерлерінің арасында жасалынған қылмыстылығына ықпал етудің мүмкіндігіне ерекше назар аударуымыз қажет. Оларға ықпал ету қылмыстық шаралармен емес, әлеуметтік алғышарттармен жүргізілуі қажеттілігіне тоқталған. Аталған пікір көптеген қазақстандық криминологтардың тарапынан қолдау табуда және біз осы көзқараспен толықтай келісеміз. Қазіргі жағдайларда қылмыстылықтың аталған түрін алдын алу қызметі оның әлеуметтік себептерін жан-жақты зерттеу және талдау арқылы жүргізілуі қажет