Ақпараттық соғыстың геосаяси аспектісі

Аннотация

Тақырыптың өзектілігі постиндустриалдық қоғамдағы ақпараттың рөлінің артуымен айқындалады. Аталмыш қоғамда, географиялық кеңістікпен қатар ақпараттық кеңістік қалыптасып отыр, әлемдік саясаттың дәстүрлі акторлары жаңа киберкеңістікте геосаяси күрес жүргізуде. Қазіргі кездегі ақпараттық құрылымдар жаңа идеялардың, идеологиялық қондырғылардың, мәдени стереотиптердің қайнар көздері бола отыра, жаңа қару түріне айналды. Осы орайда ақпараттық соғыстың геосяси астарына, мәніне талдау жасау маңызды болып табылады. Мақалада ақпараттық соғыс түсінігі айқындалып, ақпараттық соғыс бойынша тұжырымдамалардың қалыптасуының негізгі алғышарттары қарастырылады. Геосаяси субъектілердің ақпараттық күресінің, халықаралық қатынастар жүйесіне және әлемнің геосаяси құрылымына ықпалы зерделенеді. ХХ ғ. 90 жылдарынан бастап қазіргі кезеңге дейінгі осы саладағы теориялардың негізгі бағыттары және олардың өзгерісі анықталады.