Ресей мен Венесуэланың арасындағы ынтымақтастық және оның ерекшеліктері

Аннотация

Венесуэла Латын Америкасында ғана емес, сонымен бүкіл батыс жарты шарда өзіндік ерекше орны мен беделі бар мемлекет саналады. Екі жақты саяси және экономикалық ынтымақтастық Венесуэлада билік басына Уго Чавес келгеннен кейін жандана бастады. Мұнайдың аса бай қорына ие мемлекет ретінде Венесуэла Латын Америкасы елдері ішінен АҚШ, Канаданы энергетикалық ресурстармен қамтамасыз етуші бірден-бір мемлекет болып есептеледі. Уго Чавес тұсында Венесуэла үкіметі Ресей Федерациясының Латын Америкасы бағытындағы саяси, дипломатиялық, экономикалық және әскери белсенділігінің артуына оң көзқарас білдіріп, Мәскеудің батыс жарты шардағы ықпалының артуын жақтады. Ресей Федерациясын қазіргі және болашақтағы көпполюсті әлемнің ажырамас бөлігі ретінде қарастырды. Қазіргі кезеңде Ресей негізінен идеологиялық қағидалар негізінде емес, ең алдымен сауда және экономикалық факторлар негізінде Латын Америкасы елдерімен ынтымақтастықты арттыруға назар аударуда. Мақалада екі жақты қатынастардың саяси, экономикалық, әскери салалардағы қарым-қатынасы қарастырылған.