БҰҰ Дүниежүзілік тұрақты даму жөніндегі саммиті күн тəртібіне Қазақстан ұсынысының енгізілу маңыздылығы жəне əлемде қалыптасқан энергоэкологиялық жағдай

Аннотация

Қазіргі халықаралық қатынастар мəселелерінің негізгі факторларының бірі экологиялық мəселелердің жаһандануынан туындап отырған əлемдік дамудың негізгі тұжырымдары жəне қалыптасқан энергоэкологиялық ахуал əлемдік қауымдастықтан кезек күттірмейтін шешімдерді та- лап етуде. Бірқатар халықаралық мінберлердің күн тəртібінен түспей келе жатқан энергоэкологиялық мəселелер жəне тұрақты дамудың ауқымды тұжырымдары əлемдік саясаттың бірқатар бағыттарында нақты əрекеттер мен амалдарды талап етіп отырғаны белгілі. Осындай мəселелерді ескере отырып, Қазақстан Республикасының Президенті Н.Ə. Назарбаев БҰҰ Бас Ассамблеясының 62-ші сессиясында Жаһандық энергоэкологиялық стратегия жасауды ұсынғаны баршаға белгілі. Бұл жаһандық энергоэкологиялық стратегияның басты мақсаты XXI ғасырдың ор- тасына қарай ғаламшардағы барлық мемлекеттің энергетикалық жəне өзге де табиғи ресурстарға деген қажеттіліктерін қанағаттандырудың тиімді деңгейіне қол жеткізу жəне кезең-кезеңімен іске асырылуы болып отыр.